Piwo mo tyż szuminy – Neblik ôdpisuje Widerze i Syniawie

Piwo mo tyż szuminy

Tōż dōmy pokōj dynkmalōm
Niech inksi na ni wlazujōm,
Dynkmale kedy ôbalōm,
Abo ich zdekōmunizjōm.

Siednymy lepszy przi biyrze,
Poczytać kaj po naszymu,
Jak inksi przidōm, trze, sztyrze,
Tyż ich weznymy ku tymu.

Placu sam mōmy za tela,
Biletōw niy trza kupować,
Niech siodo tyż i Widera
Piwa se z nami skosztować.

Dalszŏ tajla artykułu niżyj

Dyć piwo mo tyż szuminy,
Szmakuje, choć trzeba potym
Lotać, co sztwierć godziny,
A jscać wiecznie pod płotym.

Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.