Na gōrnoślōnskich szportplacach, 31.05.2020
Yntlich! Dlŏ wielu z Wŏs na zicher czas bez szportu do ôglōndaniŏ, to bōł fest nudny czas. No ale poleku wszystko wrŏcŏ nazŏd do normalności (na dugo?), tōż i my sōm nazŏd z pisaniy ô szporcie. Ruszōły fusbalowe ligi w Polsce i Republice Czeskej, a tam nasze manszafty. We lidze czeskej w nojbliższym czasie bańdzie sie fest dzioło, bo coby nadgōnić stracōny czas szile bandōm durch 2 razy za tydziyń.
Poczōntek ale nie bōł za fest ciekawy, bo w ôbu ślōnskich szpilach nie bōło żŏdnego tora. Lepiyj bōłu już we weekend.
A dlŏ miyłośnikōw tynisa mōmy dobrŏ nowina – tynisistka ze Ślōnska wygrała piyrszy tyrniej po pauzie w Rep. Czeskej.
Fusbal
Liga czeskŏ
Dalszŏ tajla artykułu niżyj
1.FK Příbram – Banik Ôstrawa 0-0
Slezsky FC Ôpawa – MFK OKD Karwinŏ 0-0
Fastav Zlin – Banik Ôstrawa 1-1
FK Teplice – Slezsky FC Ôpawa 2-2
MFK OKD Karwinŏ – Sparta Praga 1-4
Po 26 szpilach Banik Ôstrawa je 5, MFK OKD Karwinŏ 13, a Slezsky FC Ôpawa 15.
Liga polskŏ
ŁKS Łōdź – Górnik Zŏbrze 0-1
Piast Gliwice – Wisła Krakōw 4-0
Po 27 szpilach Piast Gliwice je 2, a Górnik Zŏbrze 11.
Tynis
We Rep. Czeskej dlŏ “rozruszaniŏ” tynisistek po dugej pauzie zagrali turniej ô Puchar Prezydynta Czeskej Federacyje Tynisa. Skuli tego, co majōm tam moc dobrych tynisitek, to wszystke co zagrały sōm we TOP50 WTA. Wygrała go Petra Kvitová, tynisistka rodzōnŏ we ślōnskim Bilovcu. Gratulujymy!
1/2 finału
Barbora Strýcová – Karolína Muchová 1-2
Petra Kvitová – Kateřina Siniaková 2-0 (7-5, 6-4)
Finał
Petra Kvitová – Karolína Muchová 2-0 (6-3, 6-3)
Foto tytułowe: Peter Menzel / CC BY-SA 2.0, Wikimedia Commons – Petra Kvitová
