Na gōrnoślōnskich szportplacach, 25.08.2019

Tydziyń do zadku blank licho, tera bez weekend rehabilitacyjŏ: 4 na 5 szpilōw gōrnoślōnskich manszaftōw wygrane.

I liga czeskŏ

We piōntek napoczōn Banik Ôstrawa, kery zicher wygroł u siã ze 1. FC Slovacko 3-0. We sobota srogi iberaszung zrobiōł MFK OKD Karwinŏ. Do 7. szpilu byli bez wygranej, a jechali do Zlina, kery tydziyń tymu wygroł przecã zicher we Ôpawie 0-3. Fastav ale zagroł blank słabo i Karwinŏ wygrała aże 1-4! Skuli tego nie je już na ôstatniym placu we tabuli. We niedziela ôstatni z gōrnoślōnskich manszaftōwe we I lidze czeskej, SFC Ôpawa, jechoł do wicelidera, Victorii Pilzno. No i tu już synsacyje nie bōło. Pilzno wygrało aże 4-0.

Po 7 szpilach Banik Ôstrawa je 4, Slezsky Ôpawa 13, a MFK OKD Karwinŏ 14 (na 16 manszaftōw).

I liga polskŏ

Tukej kōmplet punktōw. Ôba szpile bōły grane we niedzielã. Nojprzōd Górnik Zŏbrze wygroł u siã 3-0 ze Koronōm Kielce. Nieskorzyj Piast Gliwice wygroł tyż 0-3 we Lubinie ze Zagłębiym.

Po 6 szpilach Piast Gliwice je 5, a Górnik Zŏbrze 7.