Na gōrnoślōnskich szportplacach, 20.07.2020 [film]
Skōńczōła grać liga polskŏ, a we lidze czeskej czekajōm na to, aż wszyjscy fusbalŏrze ze Karwinej bandōm zdrowi. Ôstatni test przed weekendym pokŏzoł, że już żŏdyn z manszaftu niy mŏ korōnawirusa i nojbliższe szpile sōm zaplanowane na sztwortek, 23 lipca.
We lidze polskej w miniōnym tydniu grali po dwa szpile i Piast Gliwice skōńczōł sezōn z 3 placym, kery dŏwŏ mu szansa gry we Europejskich Pucharach.
We Zŏbrzu żegnali Igora Angulo, baskijskiego fusbalŏrza, kery bez ôstatnie lata dŏ nowe życie napadowi Górnika. Prziszoł do Zŏbrza we 2016 roku i bez 4 lata we 138 szpilach trefiōł aże 80 torōw.
Dalszŏ tajla artykułu niżyj
Liga polskŏ
Arka Gdynia – Górnik Zŏbrze 1-2
Pogoń Szczecin – Piast Gliwice 1-0
Górnik Zŏbrze – Zagłębie Lubin 0-2
Piast Gliwice – Cracovia Krakōw 1-1
Piast Gliwice skōńczōł na 3 placu, a Górnik Zŏbrze na 10.
