Lubliniec: amunicyjŏ na fiszli

Lublinieccy policyjōny przijōnli zgłoszynie ô amunicyji znŏdniyntyj w jednym z dōmōw na terynie miasta. Pokŏzało sie, iże posiedziciel budōnku w czasie skludzaniŏ fiszle znŏd patrōny, co pochodzōm pewnikym z II wojny światowyj.

Wczorej po połedniu, z dyżurnym lublinieckij kōmyndy skōntaktowoł sie miyszkaniec, co poinformiyrowoł ô znŏdniyńciu amunicyje na fiszli swojigo budōnku miyszkalnego. Pokŏzało sie, iże w czasie skludzaniŏ izbōw, pod jednã z balkōw stropowych znŏd pŏrãdziesiōnt sztuk amunicyje do gwerōw. Tymczasowo ôbsztalowano było, iże zabezpieczōne ôd policyjōnōw znŏlezisko może być z ôkresu II wojny światowyj.

Mōndurowi spōminajōm, iże tyj zorty znŏleziska trzeba traktować poważnie. Winno sie tyż trzimać ôstrożność i we żŏdnym przipadku niy wolno tykać tyj zorty przedmiotōw, ani wybadować czym ône naprŏwdã sōm abo przenosić ich w inksze miyjsce.

Zdrzōdło i foto: KPP Lubliniec

Dalszŏ tajla artykułu niżyj