Karol Gwóźdź: Dynkmal
Dzisiej ustanowiōny bez UNESCO Dziyń Ôjczystej Mŏwy. Dlŏ nŏs to ślōnski. Skuli tego fest sie radujymy, co Karol Gwōźdź, ôd lŏt aktywny we prōmocyji ślōnskości na wielu frōntach, posłoł nōm swōj nojnowszy wiyrsz. Fest to mōmy w zŏcy, że mogymy go jako piyrsi publikować. Karol Gwōźdź ôd lŏt pisze po ślōnsku we alfabecie dr Feliksa Steuera.
DYNKMAL
Dalszŏ tajla artykułu niżyj
Stoji se dynkmal w sercu stropjůnym
Z tekstym postrzodku pjykńe uozłocůnym
Mjyłość moja mo twoje ślypja
Ćało prześůnkło pamjyntnům wůńům
Kjej wargi twoje, słodkośći esyncja
Przećiw samotnośći klangu były brůńům
Słůw zaś Twojich dźwjynkjym uopity
Co z ran trućizna kożdo wykruszy
Ida bes śwjat tyn mockům szprymůw zbity
Wjym, co drugij takij ńy znojda już duszy
________________________
Karol Gwóźdź (rodz. 2 kwiytnia 1987 we Katowicach) – ślōnski poeta, dj, kōmpozytor i producynt muzyczny, kery tworzy ambjyntowo i elektrōniczno muzyka. Znany tyż jako Nail. Jedyn ze barzyj zocnych twōrcōw ślōnskij literatury, kery we 2010 roku wydoł tōmik poezyje „Myśli ukryte“, szkryfniynte we alfabecie dr Feliksa Steuera (jak wiersz powyżej).