Jak welowoł Gōrny Ślōnsk? Inakszyj niż małopolski kōnsek woj. ślōnskego?
Niy ma jeszczy ôstatecznych wynikōw welōnku do Europarlamyntu, ale wielu ôstro dyskutuje ô tym, co we ôkryngu ôpolsko-dolnoślōnskim wygrała Koalicyjŏ Europejskŏ, a we woj. ślōnskim już Prawo i Sprawiedliwość. Jedni gŏdajōm, co to beztōż, iże w tym drugim kupa ludzi skorzystała na polityce socjalnej PiS. Inksi, że to skuli tego, co prawie połowa woj. ślōnskego to przeca Małopolska. Ta ôstatniŏ teza wziōn pod lupa Jacek Zięba, grafik kōmputerowy, kery robi w branży IT i zebroł wyniki welōnku dlŏ cołkego Gōrnego Ślōnska – i tego ze woj. ôpolskego i tego ze woj. ślōnskego. Sam jego wyniki:
Tōż na Gōrnym Ślōnsku na PiS welowało 42,82%, na KE 40,83%, na Wiosna 5,36%, na Kōnfederacyjŏ 4,69% a na reszta partyjōw 6,30%.
Je to tak fest inaczyj jak we cołkym woj. ślōnskim? Sã wyniki dlŏ cołkego wojewōdztwa:
Dalszŏ tajla artykułu niżyj
- PiS 43,27%
- Koalicyjŏ Europejskŏ – 40,22%
- Wiosna – 5,82%
- Kōnfederacja- 4,61%
- Reszta partyjōw- 6,08%
Widzicie jakŏś fest rōżnica?
A jak te wyniki kōmyntuje autor zestawiynia, Jacek Zięba? “Ślōnzŏki miały ôd grōma powodōw, coby nie welōwać na PiS, kery nazywoł nŏs Niymcami. To niy gorole z Częstochowy a Sosnowca zrobiły nam sōm wynik we wojewōdztwie, ale też my sami. Wina w tym polityki PO, kerŏ bez siedem lŏt niy umiała nŏs uznać za norōd a ślōnskij gŏdki za jynzyk regionalny. Terŏzki “spijajōm śmietanka”.