„Grubiŏrze na home office” czornŏ kōmedyjŏ ôd dzisiej on-line

We piōntek, 13.11.2020, ôd 13:11 na strōnie hornici.com idzie ôglōndać czornŏ kômedyjŏ „Horníci na home office” (śl. Grubiŏrze na home office).

Film nakrōnciōł we Ôstrawie (min. muzeum Landek) Vladimír Skórka​, kery sōm pochodzi ze familije grubiŏrzy i skōńczōł wyższŏ szkoła grubskŏ. Beztōż ô filmie gŏdŏ tak: „Grubiŏrze sōm dla richtich bohatyry, a jejich robota dycki miołech w zŏcy. Myśla, że to widać też we filmie, mimo że je to szalōnŏ kōmedyjŏ”.

Grajōm w nim miyndzy inkszymi Karel Zima​, Josef Kaluža ​a ​Robin Ferro, znani z ôstrawskygo teatru Mír.

Film bańdzie ôd piōntku dostypny za darmo na strōnie: hornici.com a reżyser nie wykluczōł jego kōntynuacyje.

Dalszŏ tajla artykułu niżyj

Skuli użytego słownictwa nie polecŏ sie filmu ôglōndać bez bajtli.