Fojerman: Po strzewikach
Do Nieba przijechoł nowy transport duszyczek ôd Ślōnzokōw. Świynty Pieter stoji we wrotach a tajluje:
– Do Nieba, do Nieba, do Piekła, do Nieba, do Piekła…
Jak już wszystkich potajlowoł, to woło go Pōnbōczek, a sie go pyto:
– Pietrze, powiydz mi, jako ty poradzisz tak wartko poznać, kery Ślōnzok je dobry, a kery zły, dyć ani jo tak wartko niy poradza?
– Po strzewikach.
– Jako po strzewikach?
-Nō, tyn kery mo czyste strzewiki, to idzie do Nieba, a tyn, co mo zmazane, to do piekła.
– Ale przeca zmazane strzewiki, to niy ma taki wielki grzych. Mōg byś ich chocioż do czyśćca posłać.
– Pōnbōczku, przeca kożdy porzōndny Ślōnzok kałuże mijo z daleka.
Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.
Ôbrŏzek tytułowy: Van Gogh: Trzi pary strzewikōw
