Festiwal niymieckich horrorōw w Kopalni Guido i na Zōmku w Mosznyj
22 i 23 czyrwca w Kopalni Guido, i 29 i 30 czywrca na Zōmku w Mosznyj ôdbydzie sie festiwal niymieckich horrorōw. Bydzie szło ôbejzdrzeć „Nosferatu” i „Gabinet dŏchtora Caligari” ze polskimi napisami i muzykōm ilustracyjnōm na żywo.
W czasie Festiwalu muzyka do filmōw bydzie improwizowanŏ. Muzykańciŏ, co bydōm grać na żywo wyużyjōm szyroke spektrum możliwości ôd klangōw klasycznych: instrumyntōw analogowych takich jak cytry, misy tybetańske, melodyka jak tyż śpiyw alikwotowy, bez klangi nagrane w terynie aże po terŏźnõ elektrōnikã. Wystōmpi ansambl w składzie: Łukasz Dziedzic – elektrōnika, Mariusz Knysak – nagrania terynowe, Marcin Polak – klangi analogowe.
Niymiecke horrory i jejich niypowtarzalny klimat ôdżyjōm dziynki niyôbyczajnym lokalizacyjōm jak tyż ekstra stworzōnyj ôprawie.
Udzioł włŏsny uczestnikōw wynosi 5 zł ôd ôsoby. Wpłaty trzeba dokōnać po przituplikowaniu przijyńciŏ zgłoszyniŏ, przelewym na kōnto 66 1140 1788 0000 3324 9900 1013 abo na placu w dniu pokŏzu.
Dalszŏ tajla artykułu niżyj
Liczba uczestnikōw je ôgraniczōnŏ.
Kōntakt do rezerwacyji na strōnie Dōmu Spōłpracy Polsko-Niymieckij.
Program:
„Nosferatu” (1922)
22 czyrwca (piōntek) 2018 r., godz. 19.00, Kopalnia Guido (warsztat mechaniczny),
ul. 3 Mŏja 93, 41-800 Zŏbrze
29 czyrwca (piōntek) 2018 r., 19.00, Zōmek Moszna (zal Tyjatru Castello),
ul. Zōmkowŏ 1,
47-370 Zielina
„Gabinet dŏchtora Caligari” (1920)
23 czyrwca (sobota) 2018 r., 19.00, Kopania Guido (warsztat mechaniczny),
ul. 3 Mŏja 93, 41-800 Zŏbrze
30 czyrwca (sobota) 2018 r., 19.00, Zōmek Moszna (zal Tyjatru Castello),
ul. Zōmkowŏ 1, 47-370 Zielina
Zdrzōdło: materyje prasowe