Nowiny

Dziyń smogowy. 7 lutego jeżdżymy za darmo

Grzegorz Kulik

Skuli prognozowanyj ôd Wojewōdzkigo Inszpektoratu Ôchrōny Strzodowiska na 7 lutego bardzo złyj jakości luftu nad miastami i gminami Gōrnoślōnsko-Zŏgłymbiowskij Metropolije, Bany Ślōnske ôgłosiyły dziyń smogowy.

Darmowych przejazdōw bydzie szło użyć w Banach Ślōnskich, KZK GOP, MZKP Tarnowske Gōry i MZK Tychy. Coby przejechać za darmo Banami Ślōnskimi, styknie przi kōntroli biletōw pokŏzać ważny dowōd rejestracyjny. Ôsoby w dowodym rejestracyjnym niy muszōm być formalnie jego posiedzicielym. Kożdy kerowca może weznōńć w rajzã jednã ôsobã tŏwarziszōncõ.

Darmowe przejazdy niy fungujōm w Banach Ślōnskich na tajli przigranicznyj Chałupki – Bohumin jak tyż we cugach Ornak na tajli Żywiec – Zakopane.

Darmowe przejazdy bydōm fungować bez cołki dziyń.

Dalszŏ tajla artykułu niżyj

Społym budujymy nowo ślōnsko kultura. Je żeś z nami? Spōmōż Wachtyrza

Grzegorz Kulik

Tumacz, publicysta, popularyzatōr ślōnskij mŏwy. Autōr Korpusu Ślōnskij Mŏwy, ślōnskich przekładōw „A Christmas Carol” Charlesa Dickensa, „Dracha” Szczepana Twardocha, „Le Petit Prince” Antoine de Saint-Exupéry'ego i „Winnie-the-Pooh” A. A. Milne, jak tyż ger kōmputrowych Euro Truck Simulator i American Truck Simulator. Laureat Gōrnoślōnskigo Tacyta za rok 2018.

Ôstŏw ôdpowiydź