Do wicu zazwōniōł, iże we kościele je bōmba

Wczorej, 14 lutego, przed siōdmōm na wieczōr do Wojewōdzkigo Cyntrum Powiadōmianiŏ Ratunkowego w Katowicach zazwōniōł chop i pedzioł, iże we rybnickij bazylice je bōmba. Wartko zaryagowoł rybnicki dinst. Na miyjsce sjechali rybniccy fojermani, policyjne patrole i ôkludzŏcze ze psami szkolōnymi do znŏjdowaniŏ sztofōw wybuchowych. Jak sużby przijechały pod kościōł, prawie skōńczyła sie mszŏ, tōż we postrzodku było kole 500 ôsōb. Bezma wszyjscy ale już wyszli z bazyliki, ino pŏrã trzeba było ewakuować.

Szandarzi bardzo wartko doszli, iże za cołke zdarzynie zaczło sie skuli 37-letnigo miyszkańca Rybnika. Pŏrãnŏście minut niyskorzij chopa chyciyli wachtyrze prawa ze kōmisariatu we Rybniku-Boguszowicach. Bōł ôpity. Badanie pokŏzało bezma dwa prōmila alkoholu we krwi. Chop trefiōł do policyjnego heresztu. Jak wytrzyźwiyje, to stanie przed prokuratorym. Za wywołanie alarmu bōmbowego może dostać do ôźmiu lŏt wiyńziyniŏ, ôkrōm tego sōnd może tyż kŏzać mu spłacić koszty cołkij akcyje.