Czeskŏ liga 2018/19 – fusbalŏrze ze Ślōnska poznali już plan
Czeskŏ liga napocznie nowy sezōn już tydziyń po światowych majsterszaftach we Rusyji, a wszystko skuli nowego systymu grania ô majstra i utrzimaniy w lidze. Piyrsze szpile bandōm grane we dniach 20-22 lipca 2018, amanszafty ze Ślōnska zagrajōm we takych parach:
Sparta Praga – Slezsky Ôpawa
Banik Ôstrawa – Jablonec
Slovan Liberec – MFK Karwina
Nojważniejsze derby Ślōnska we lidze czeskej, szpil Slezsky Ôpawa – Banik Ôstrawa bandzie grany dopiyro we 15 kolejce, wele 10-12 listopada 2018. Rewanż we ôstatniyj kolejce we Ôstrawie.
Na podzim 2018 bandzie grane aże 19 szpilōw (już 4 szpile ze rundy rewanżowej).
II runda skōńczy sie we ôstatni weekend kwietnia 2019, a poniyj manszafty ôstanōm podzielōne aże na 3 grupy. Place 1-6 bandōm grać ô majstra, 7-10 ô 1 plac, kery zagrŏ z piōntym manszaftym ô start we europejskich pucharach, a manszafty z placōw 11-16 ô utrzimaniy.
Foto na wiyrchu: Danixs123 [CC BY-SA 4.0 (https://creativecommons.org/licenses/by-sa/4.0)], Wikimedia Commons