Bytōm: znŏdły patrōnã przeciwlotniczõ, tōż wraziyły jã do auta z bajtlym

Srogõ niyôdpowiedzialność pokŏzały wczorej dwie bytomianki 32 i 34 lata stare. Kobiyty prziwiozły autym patrōnã przeciwlotniczõ do jednotki wojskowyj przi ul. Ôświyńcimskij. Społym z niymi we wozidle jechało pŏrã miesiyncy mode dziycio ôd jednyj z nich. Kobiyty znŏdły jã w pōmiyszkaniu ôd kamrata, co umar pŏrã dni wczaśnij. Patrōna z lŏt 20. ôstatnigo stoleciŏ do czasu przijazdu saperōw zabezpieczali mōndurowi z bytōmskij kōmyndy. Kobiyty mogōm terŏz ôdpedzieć za narażynie na niybezpieczyństwo dziycia. Ô jejich dalszym losie uzdŏ prokuratōr. Grozić im może nawet do 5 lŏt heresztu.

Dalszŏ tajla artykułu niżyj

Wczorej na wieczōr ôficyr dyżurny bytōmskij kōmyndy bōł uwiadōmiōny ôd jednotki wojskowyj, iże dwie kobiyty prziniosły patrōnã artyleryjskõ pewnikym z ôkresu II wojny światowyj. Skuli tego, że niewybuch bōł przed jednotkōm wojskowōm, do akcyje wkroczyli bytōmscy szandarzi. Mōndurowi do czasu przijazdu saperōw zabezpiyczali patrōnã. Jak sie pokŏzało, kobiyty niywybuch znŏdły w pōmiyszkaniu ôd kamrata, co umar pŏrã dni wczaśnij. Bytomianki uzdały zawiyź go do jednotki wojskowyj. Społym z niymi w aucie jechało pŏrã miesiyncy mode dziycio ôd jednyj z kobiyt.

Saperzi uzdali, iże je to patrōna przeciwlotniczõ z zapŏlnikym, kaliber 40 mm ô dugości kole 30 cm z lŏt 20 poprzednigo stoleciŏ. Zabezpieczōny niywybuch ôstoł przewieziony w eskorcie bytōmskij drogówki do placu przeznaczōnego do detōnacyje niywybuchōw.

Idzie sie wyforsztelować co by się mogło stać, keby ta patrōna eksplodyrowała, jak kobiyty przewoziyły jã autym. Bytomianki ôstały ôdpytane. Terŏz ô jejich dalszym losie uzdŏ prokuratōr. Grozić im może nawet do 5 lŏt heresztu.

Pamiyntejmy coby nigdy niy ruszać, a już na pewnikym niy przewozić niywybuchōw. Ô takim znŏlezisku trzeba zarŏz uwiadōmić nojbliższõ jednotkã Policyje.

Zdrzōdło: KMP Bytōm

Jakeście sam sōm, to mōmy małõ prośbã. Budujymy plac, co mŏ reszpekt do Ślōnska, naszyj mŏwy i naszyj kultury. Chcymy nim prōmować to niymaterialne bogajstwo nŏs i naszyj ziymie, ale to biere czas i siyły.

Mōgliby my zawrzić artykuły i dŏwać płatny dostymp, ale kultura powinna być darmowŏ do wszyjskich. Wierzymy w to, iże nasze wejzdrzynie może być tyż Waszym wejzdrzyniym i niy chcymy kŏzać Wōm za to płacić.

Ale mōgymy poprosić. Wachtyrz je za darmo, ale jak podobajōm Wōm sie nasze teksty, jak chcecie, żeby było ich wiyncyj i wiyncyj, to pōmyślcie ô finansowym spōmożyniu serwisu. Z Waszōm pōmocōm bydymy mōgli bez przikłŏd:

  • pisać wiyncyj tekstōw
  • ôbsztalować teksty u autōrōw
  • rychtować relacyje ze zdarzyń w terynie
  • kupić profesjōnalny sprzynt do nagrowaniŏ wideo

Piyńć złotych, dziesiyńć abo piyńćdziesiōnt, to je jedno. Bydymy tak samo wdziynczni za spiyranie naszego serwisu. Nawet nojmyńszŏ kwota pōmoże, a dyć przekŏzanie jij to ino chwila. Dziynkujymy.

Spōmōż Wachtyrza

Cyntrum Preferyncyji Prywatności

Potrzebne

Zbiory cookies potrzebne do nojbarzij podstawowych funkcyji serwisu: zgoda na politykã prywatności (gdpr) i informacyjŏ ô blokowaniu reklam (anCookie), testowy zbiōr ôd platformy (wordpress_test_cookie)

gdpr, anCookie, wordpress_test_cookie

Ino po zalogowaniu

Zbiory cookies potrzebne do byciŏ zalogowanym w serwisie.

wordpress_logged_in_, wordpress_sec_, wp-settings-time-