„Blaszany bymbynek” we Kinie Kosmos

Klub Filmowy Ambasada jak tyż Ars Independent zaprŏszajōm na tref z filmym „Blaszany bymbynek” Volkera Schlöndorffa. Tref ôdbydzie sie we wtorek 19 lutego ô godz. 18.30 w katowskim Kinie Kosmos. Prelekcyjõ i dyskusyjõ po seansie pokludzi Natalia Grabka – dochtorantka w Zakładzie Filmoznawstwa i Wiedzy ô Mydiach UŚ, ekspertka niymieckij kinymatografiji.

Tym razym społym ôbejzdrzimy ekranizacyjõ rōmanu Guntera Grassa – „Blaszany bymbynek” (1979) w reżyseryji Volkera Schlöndorffa. „Blaszany bymbynek” to jedyn z kultowych klasykōw kina europejskigo. Je to krōnika życiŏ małego Oskara, a tyż protest jednotki przeciwko koszmarowi II Wojny Światowyj. Synek we swōj trzeci gyburstag uzdŏwŏ sie, iże z rośniyńciym kōniec. Ryalizacyjõ tyj cudacznyj decyzyje ulekszŏ mu wypadek – ślatuje ze słodōw w pywnicy i bez resztã życiŏ richtich już niy rośnie.