100 lot – podug nos?

Na przileżytoś stu lot ôd ślōnskich „powstań” i plebiscytu lotajōm fligry (jak w sobota we Katowicach), jeżdżōm cugi (jak tyn złoty, co pojechoł do Warszawy), a po blokach pokazujōm sie murale. Zdo sie, co bez nastympne trzi lata durś bydzie sie co dzioć w tym tymacie.

Nōm żodyn takigo festu na ta przileżytoś niy zrychtuje. Nōm – „ślōnskim Ślōnzokōm”, do kierych pamiyńć ô tamtych zdarzyniach je ważno, ale niy radosno. Do kierych niy ma to czas zwyciynski abo przegrany, ino czas ôfiar, bamōncynio i krziwdy.

Niy bydymy mieć fligrōw i złotego cugu – pomyślołech – ale przeca swojij pamiyńci mogymy dać fajne szaty. Tōż zrychtowołech pora ôbrozkōw – ćwiczynie, jak by tyż ślōnskie ôbchody tych stu lot mogły wyglōndać. Jak tyż Wōm sie to widzi?

Dalszŏ tajla artykułu niżyj