Wystawa „Ślōnskŏ Szlachta – Miyndzy Ślōnskym a Europōm”
Ôd 9 czyrwnia na Zōmku w Mosznyj bydzie szło ôglōndać wystawã „Ślōnskŏ Szlachta – Miyndzy Ślōnskym a Europōm”. Postrzōd ôrganizatorōw sōm tyż Cyntrum Kultury Ślōnskij we Nŏkle, Oberschlesisches Landesmuseum w Ratingen i Instytut Kultury Rycerskij w Tarnowskich Gōrach.
Bazowŏ idyjŏ wystawy to je pokŏzanie świata, kery ôdeszoł bezpowrotnie, świata ślōnskij arystokracyje. Wystawa prezyntuje pŏrãnŏście ślōnskich rodōw szlacheckich, co były dobrane tak, coby pokŏzać roztōmajtość jejich pochodzyniŏ, srogość fortun jak tyż zmiynność losōw. Na ekspozycyjõ skłŏdŏ sie mocka cynnych pamiōntek, w tym ôryginały dokumyntōw z XVII i XVIII stoleciŏ, herbarze, leksykōny szlachecke i almanachy, a tyż tabule i plansze informacyjne.
Wystawã bydzie szło ôglōndać do 16 paździyrnika 2018 r.