Wjechoł na rōndo pod prōnd

Wjechoł pod prōnd na rōndo. Na szczyńście ô wszyjskim ôstali wartko poinformowani szandarzi, co po chwili byli już na placu i chyciyli kerowcy. Jak sie pokŏzało, chop mioł bez 2,5 promila alkoholu w ôrganiźmie. Funkcjōnariusze wziōnli 60-latkowi prawo jazdy, a jego sprawōm zajmnie sie terŏz gyricht. Grozi mu kara do 2 lŏt heresztu.

Zaś dobrŏ reakcyjŏ kerowcy prziniosła chyciynie ôd policyjōnōw niytrzyźwego kerowcy. Tym razym miyszkaniec Gogolina, jak jechoł ôd Krapkowic, dozdrzoł volkswagena, co jego jazda pokazowała, iże jego kerowca może być pod wpływym alkoholu. Przi wjyżdżaniu na rōndo jego kerowca pojechoł pod prōnd i niy patrzoł na inksze auta.

Jak sie pokŏzało, za kerownicōm siedzioł 60-letni miyszkaniec wsi Strzeleczki. Podszukowanie alkomatem pokŏzało, iże mioł ôn bez 2,5 promila alkoholu w ôrganiźmie. Funkcjōnariusze wziōnli chopowi prawo jazdy. Terŏz jego sprawōm zajmnie sie gyricht. Za jazdã pod wpływym alkoholu grozi kara do 2 lŏt heresztu, jak tyż wysokŏ sztrŏfa.

Wideo idzie ôbejzdrzeć na strōnie ôpolskij policyje.

Dalszŏ tajla artykułu niżyj