Ślōnski Tref „Przidz po szychcie” we Jastrzymbiu

Połowa czyrwnia pogoda sprzijo toż ludkowie korzystajōm jak yno idzie. Jedni powyjyżdżali s miasta jedni chodzōm na szpacyry abo jeszcze coś inszego a jedni wolōm sie spotykać i poznować swoji korzyni. We ôstatnio niedziela we Jastrzymbiu mioł miejsce niezwykły tref ôrganizowany bez Zespoł Folklorystyczny ”Jastrzymbioki” kieryn kludzi znano Ślōnzoczka Ewelina Kuśka.

Powiycie, że Jastrzymbie to nowe miasto ale pszeca nim powstało tu miyszkali ludzie kierzi mieli swoji tradycje swoja godka i swoji obrzyndy. Toteż Zespoł „Jastrzymbioki” niy ôgraniczo sie do wystympōw na binie ale i staro sie dali kultywować ślōnski tradycje i ôbyczaje. Jako ,że „Jastrzymbioki” ôbchodziły 20 leci istniynio i ôstały nagrodzōne złotōm ôznakōm za działalnoś i upowszechniyni kultury regiōnalnej ziymi jastrzymbski zaś Ewelina dostała szczybno ôdznaka. A było za co poetka i gawyndziarka erbła kole 200 nagrod w rozmańtych kōnkursach .We 2012 roku wywalczyła 2 plac i tytoł Wice-Ślązaczki Roku w prestiżowym kōnkursie „Po naszymu, czyli po Śląsku”. Zespōł jak i Jich szefowa jak żodyn dbajōm ô to ,żeby miejscowe tradycje i ôbrzyndy sie niy straciły toż we swojim repertuarze majōm wiela pieśniczek zwiōnzanych ze życiym na Ślōnsku i ślōnski wsi.

Tak było i tym razym a we zamyśle szefowej i człōnkōw zespołu je to żeby taki trefy niy yno bawiły zgrōmadzōnych ale i kulały sie jak to padajōm do przodka. Tref „Przidz po szychcie” kludzioł i zapowiadoł profesjōnalnie Robert Szymański a zaproszōne ôstały kamratki co niy yno szkryflajōm ale i fest pszajōm ślōnski godce. Były to Panie ze Gminy Świyrklany Urszula Oślislok i Regina Sobik a towarzyszoł Jim Jastrzymbianim p. Józef Wnuk,. I tak to Urszula Oślislok piyknie szkryflo po naszymu i na feceboku kludzi rozmańte zajty taki jak Slōnski Dōm , Slōnsko Godka, Winszyjymy i jeszcze wiela inszych .Szkryflo piykne kōnski po naszymu czym rozbawiła zgrōmadzōnych słuchaczy. Naszkryflała tyż teksty pieśniczek kiere śpiywoł Rōman Kostka Ślōnzok s pochodzynio a mieszkajōncy we Nimcach .To Ôn swego czasu na II Festiwalu Piosenki Śląskiej w Zabrzu dostoł 2 plac za pieśniczka „Slōnsk” ze słowami Urszuli. Drugo kamratka Regina Sobik porozprawiała ô swoji działalności tworczej i poczytała pora kōnskōw s niedowno wydanej ksiōnżki dlo bajtli. Pani Regina szkryflo dlo starszych i wiela dlo bajtli w tym po naszymu . Jest zapraszana do Przedszkoli i Szkół czytajōnc swoje utwory i przekazujōnc młodemu pokoleniu obrzyndy zwyczaje związane z jankowickōm ziymiōm. Wydała 4 tōmiki wierszy jest laureatkōm wiela kōnkursōw poetyckich w tym gwarowych .Jako ,że wiela szkryflo ô swoji ziymi toteż gwoździym programu tukej była ….pieśniczka „STUDZIENKA” a ô kierej idzie pedzieć że to tu we Jastrzymbiu miała swoja prymiera a,że Jankowice ôbchodzōm w tym roku wiela jubileuszy pieśniczka ta je takim geszynkiym dlo mieszkańcōw i hołdym słożōnym dlo ks. Walentego. Wto zno historjo Jankowic Kościoła i Studziynki tyn wiy ô co idzie. Słowa do tej pieśniczki naszkryflała Regina Sobik i Zbigniew Paprocki.

Dalszŏ tajla artykułu niżyj

Tyn ôstatni zresztōm były miyszkaniec Jankowic skōmpōnowoł i wykōnoł nagranie . Pieśniczka ta idzie ôdsłuchać na https://www.youtube.com/watch?v=JriEhi_wLvg .Regina Sobik i Urszula Oślislok znajōm sie jak „łyse kōnie” jako, że to ône kludziły Dni Slōnski Godki we swoji Gminie kieryn ôrganizowoł RAŚ koło Świerklany przy pōmocy GOK i R Świerklany. Ôbie Panie brały udział we trefach Górali ze Ślōnzokami. Były to „Spotkania Gwar” kierych było ôncznie 9 a w kierych uczestniczyła tyż Ewelina Kuśka. Nieskorzy dołōnczyli Kaszuby, kierzi wpiyrw gościli u Górali we Nowym Targu a potym Ślōnzokōw u siebie we Kościerzynie ale jak to padajōm niy wszystko idzie podług naszej myśli. Pandymjo pokrziżowała im plany jednako ôbie kamratki majōm nadzieja ,że jeszcze przidōm dobre czasy na taki trefy . Jednako wrocmy sie nazot do tego Jastrzymbio, żeby było trocha dlo zmysłōw i podniebiynio „Jastrzymbioki” niy yno zabawiały śpiywkami ale i upiykły dōmowe ciasta tak ,że wszyjscy czuli sie jak u mamy dōma a raczyj jak u starki. Chocioż przewoga miały Panie ze Gminy Świyrklany to gospodarze niy zapōmnieli ô swoim zocnym chopie kieryn ô wczaśnych lot młodości trudnioł sie zbiyraniym. Józef Wnuk już jako bajtel zbiyroł kamiynie potym znaczki i puciynki po kołkach a tak już na poważnie zaczōn zbiyrać stare rupieci jak to ôkryśloł a kiere piyrwej były przidatne we gospodarstwie jak wybudowoł se swoja chałupa . Tera po 65 latach mo taki zbiory sprzyntōw ,że niejedno Muzeum mo na noc.To co pokozoł na trefie to yno malućko czynś kiero i tak wprawiła ludkōw ô zawrot gowy. Żelozko s duszōm, maszyna do szkryflanio, manierki jakiś zōmki i jeszcze wiela inszych przedmiotōw kiere majōm ……….po 120 -150 lot. Jedni pedzōm po co mu to ale tu trza mieć na uwadze to ,żeby prziszłe pokolyni dziynki takim zbiorōm dowiedziało sie jak żyli Jich starziki . A jaki syns i jak ważne sōm taki trefy pokozały nōm „Jastrzymbioki” bo pszeca jak by jich niy było to niewiela by my wiedzieli ô swojich przodkach a nasze życi było by taki jakiś ubogi .