Fojerman: Skuli poezyje

Skuli poezyje

Padajōm, że jak jodło
Je poezyjo, dlo ducha.
Zaczna niōm żyć, a możno
Straca tyż trocha brzucha?

Pokosztuja jōm tydziyń,
Ôbejrza po tym czasie,
Czy mie trocha ubydzie,
A dziurka podciōngna we pasie?

Możno niy bydzie to grzych,
W Adwyncie sie rymym napaś,
A na Wachtyrza Wōm tyż
Posłać rym jaki roz za czas?

Teraz tak myśla dziepiyro:
Skuli tej poezyje,
Człowiek se kustu ôdbiyro,
A sam te beskuryje

Z boku go kajś wołajōm,
Niby we wierszach plyś słowa,
Dyć piwa napić sie dajōm,
A brzuch urośnie ôd nowa.

Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.