Fojerman: Bo jo je stōnd…
2019.02.25
Bo jo je stōnd…
Bo jo je stōnd,
Je żech ze Ślōnska,
A dlō mie Ślōnsk
Je choćby ksiōnżka.
Tak jōm ôtwiyrōm,
Kartki szkartuja,
Czytōm dziepiyro,
Pojōnć prōbuja.
Dalszŏ tajla artykułu niżyj
Dyć tedy i ôwdy
Nōmery strōn
Sam poskokane
Tak jakoś sōm.
Brakuje słōw,
Hań niy ma kōnska.
Felerno mōm
Ta moja ksiōnżka.
Stasiek Neblik, ps.”Fojerman” – Ślōnzok, fojermōn na pynzyji, autor ksiōnżki ”Do rymu po naszymu, abo ślōnski miszmasz” a autor „Dykcjōnorza Godki Ślōnskij”, człōnek DURŚ.
