FAČR potwierdziōł: Banik Ôstrawa ukrziwdzōny we finale
Czeskŏ Kōmisyja Fusbalowych Szidsrichtrōw FAČR wydała dzisiej ôficjalny kōmunikat skuli finałowego szpilu Pucharu Republiki Czeskej Banik Ôstrawa – Slavia Praga. Kōmisyjŏ FAČR stwierdziōła, że elwer dlŏ Slavije Praga, z kerego bōł tor na 1-0 dlŏ manszaftu ze stolicy Rep. Czeskej, bōł fejlerym szidsrichtra. Co to dŏwŏ? Krōm poczucia, że szpil mōg sie skōńczyć inakszyj, niż 2-0 dlŏ Pragi, niestety nic kōnkretnego. Możno yno dodatkowŏ motywacyjŏ dlŏ Banika Ôstrawa przed sobotnim szpilem z Mladōm Boleslav ô ôstatni plac z ligi czeskej w eliminacyjach do Ligi Europejskiej.
Co ciekawe, kōmisyjŏ podała 5 fejlerōw szidsrichtrōw z miniōnego tydnia: aże 3 z nich bōły fejlerōma na niekorzyść manszaftōw ze Ślōnska. Krōm Banika Ôstrawa ukrziwdzōny bōł jeszczy Slezsky Ôpawa we szpilu ze Bohemians Praga i MFK OKD Karwinŏ we szpilu z 1. FC Slovacko.
Cojś Wōm te sytuacyje przipōminajōm?
Źdrzōdło: https://facr.fotbal.cz/komunike-ze-zasedani-kr-facr-ze-dne-28-5-2019/a10381