Irena Sauer – niezwykło Ślōnzoczka
Tak wiela sie ôstatnio godo ô naszej slōnski godce a tak mało ô ludziach kierych my mieli abo mōmy wele siebie i kierzy cołki swoji życi poświyncili dlo ludzi i miejsca kaj sie urodzili i miyszkajōm. Przi ôkazji rozwiōnzanio II Ogólnopolskigo Kōnkursu Poetyckigo dlo Syniorōw „W LUSTRZE ŻYCIA” a kieryn mioł miejsce we Halo Rybnik 22 czyrwnia br. a kierego Patrōnkōm ôstała Irena Sauer Ślōnzoczka s kwi i kości . Kim była ta niezwykło kobita dowiedzieli my sie ôd ludzi s kierymi miała stycznoś a Ci spōminajōm jōm jako ôsoba pełno mōndrości życiowej i pszajōnco tej ziymi na kierej Ji prziszło żyć. Urodziła sie we Jejkowicach a szkoliła sie we Zaocznym Studium Nauczycielskim w Raciborzu,potym we Studium Teatralnym w Warszawie ôraz na Wydziale Filozoficzno-Historycznym Uniwersytetu Jagiellońskiego w Krakowie na kierunku pedagogika kultury. Miyszkała we Turzy Ślōnski wele Wodzisławia . Tu jak żodyn inszy krzewiła kultura i przekazywała młodymu pokolyniu to co je nojważniejsze we życiu kożdego s nas tj pszoci i zoca dlo drugiogo człowieka i do swojich korzyni. Jeszcze byndōnc rechtorkōm zyskała se poważani swojich szkolorzy . Była ôdważno a dorobek artystyczny tej niezwykłej Ślōnzoczki boł ôgrōmny .Jego najważnieszym celym było przekazywani ślōnski i ôgólnopolski tradycji młodym pokolyniōm. We Wodzisławiu była inicjatorkōm i wieloletniōm ôrganizatorkōm Wodzisławskich Spotkań z Folklorem. Bez pōnad 40 lot kludziła Artystyczno Familijo Syniorōw „Nie dejmy sie’ we Wodzisławskim Cyntrum Kultury .Była lałreatkōm wiela wyróżniyń dlo zespołōw tyjatralnych i muzycznych na Ogólnopolskich i miyndzynarodowych festiwalach. Do Ji ôsiōngniyńć trza zaliczyć tyż ôdznaka „Za krzewienie polskiego słowa na Ziemiach Odzyskanych”(1961) ôroz ôdznaczynia jaki dostało ôd miasta Wodzisławia jak i Ministra Kultury i Dziedzictwa Narodowego za całokształt działalności artystycznej. Dycko uśmiychniynto pełno życio i dobrych rad dla Seniorōw, s kierymi sie trefoła na trefach człōnkōw internetowej strōny „Kreatywność Polskich Seniorów” /sama była człōnkiniōm tej grupy/ a kiero kludzi dr. inż. p. Henryk Kaletka. Człōnkowie tej grupy niy zapōmnieli ô tej niezwykłej miyszkance ślōnski ziymi wybiyrajōnc jōm zasłużynie na Patrōnka kōnkursu poetyckigo w kierym brali udział niy yno nasi Seniory ale i s cołki Polski. Co wiyncy we tym kōnkursie znodli sie tyż Syniorzy kerzy naszkryflali swoji wiersze po naszymu. Jednym s nich boł Bogdan Dzierżawa znany Ślōnzok i gawyndziorz. Jako, że ôstatnio ulicha i trōmba powieczno nawiydziła nasza ziymia i zrobiła ôgrōmne szkody tak, że zaproszōne Dźimierzanki niy mogły przijechać to właśnie Bogdan Dzierżawa uświetnioł tyn wyjōntkowy tref swojim wystympym i za to trza mu podziynkować bo choć mo już swoji lata , niy ciynżko było mu zabawić swojim graniym i śpiywaniym zgrōmadzōno we Halo Rybnik publicznoś. Niy trza tu nic wiyncy szkryflać bo pszeca nasza ślōnsko ziymia je fest bogato we wybitnych ludzi kierzi niy zapōminajōm skōnd sie wywodzōm i dbajōm ô ślōnsko godka ,pieśniczki ,tradycje i ôbrzyndy swoich starzikōw .Toż i my muszymy ô nich pamiyntać tak jak pamiynto społecznoś fecebookowej strōny „Kreatywność Polskich Seniorów” ô p.Irenie Sauer wybiyrajōnc jōm na Patrōnka kōnkursu .
Regina Sobik
Dalszŏ tajla artykułu niżyj
