Giskana Fojerana jeszcze barzij przijazno gościōm
Giskana Fojermana ôd Stanisława Neblika – Fojermana, jedna ze nojwiynkszych strōnōw we internecu je po rozbudowie. Dodali my kategoryje, ôpisy, linki a ôkruszki, coby szło lepszy a warciyj znojś kożdy tekst.
A co znojdziecie na Giskanie Fojermana? Kole 1400 tekstōw, głōwnie po ślōnsku, ale po polsku tyż sie co trefi. Mōmy sam 6 głōwnych kategoryjōw:
Literatura, a w niyj roztomańte bojki, wiersze, limeryki, fraszki, ôpowiadana a tłumaczynia m.in. Andersena i Tuwima.
Zabawy jynzykowe – roztomańte zwyrtki, pyrtki a szkopyrtki ôd Fojermana. To, co idzie zrobić ze jynzykym ślōnskim.
Dalszŏ tajla artykułu niżyj
Jynzyk ślōnski – roztomańte rozważowania ô jynzyku ślōnskim.
Velorex – wszyjsko ô tym czeskim trzikołowcu.
Miejsca – te, kere dlo Fojermana „coś“ znaczōm“, np spōmniynia ze dzieciństwa, reportaż ze rajzy do Papui.
Ciekawostki – to co pouciekało ze inkszych placōw a sam sie pokryło: gra, wywiady, Maniuś.
Ôsobnōm tajlōm je Dykcjōnorz Godki ślōnskij ze 5000 słowami po ślōnsku ze ôdmianōm, przikładami zdaniōw.
Dlo kogo je Giskana Fojermana? Dlo wszyjskich! Dlo rechtorōw, dlo ôjcōw, dlo dziecek, dlo starzikōw, dlo tych co chcōm poczytać limeryk, abo fraszka, dlo wszyjskich Ślōnzokōw a niy yno.
Tōż klikejcie a czytejcie. I dejcie znać ô Giskanie Fojermana Waszym Kamratōm.
Linki do Giskany Fojermana i do Dykcjōnorza Godki Ślōnskij:
Stanisław Neblik – Fojerman
